Arranca a segunda EDICIÓN PROXECTO "ANFITRIÓNS POR UN DIA" 2024

 

Estamos encantados de anunciarvos que volve a segunda edición de Anfitrións por un día!

Esta iniciativa busca achegar aos nosos estudiantes de secundaria ao mundo laboral, permitíndolles pasar un día con profesionais de diferentes campos. Os estudantes terán a oportunidade única de aprender de primeira man sobre diversas profesións, as súas responsabilidades e desafíos. Animamos a todas as familias a participar neste proxecto para compartir as súas experiencias profesionais e axudar a inspirar á nosa próxima xeración! Xuntos podemos ofrecer aos nosos mozos unha visión máis ampla e enriquecedora das posibilidades profesionais que lles esperan.

Unídevos a nós e formade parte desta experiencia que cambiará vidas!

Velaquí o Formulario

GRADUACIÓN - PROMOCION 2006

 

Parabéns aos nosos graduados!

O día de onte foi moi emocionante e significativo, marcou o fin dunha etapa e o comenzo dunha nova aventura. Queremos comenzar esta entrada no blogue manifestando o orgullosos que, dende a ANPA, estamos por cada un de vós e de todo o esforzo e dedicación que puxestedes para chegar ata aquí. Esperamos que a graduación fose o comenzo dun camiño cheo de éxitos e realizacións. Parabéns por este gran paso e que o futuro vos sorría sempre con infinitas oportunidades e felicidade. 

Queremos destacar o papel que tivemos nós como ANPA neste evento. O noso compañeiro e secretario, David León, desempeñou un papel destacado, sendo o encargado este ano de colocar as bandas distintivas nos graduados, subvencionadas por a nosa asociación. Ademáis, a ANPA colaborou activamente na organización do evento, patrocinando e coordinando o picoteo posterior que tivo lugar no comedor do noso colexio, onde as familias poidéchedes compartir momentos de celebración e confraternización.

O compromiso e a colaboración da ANPA foron clave para o éxito do evento, e desexamos que todas as familias e graduados disfrutaran dun día inesquecible e cheo de emoción.

 

INFANTIL no Centro de Turismo Ecuestre O Ventoso en A Laracha

 

Onte, 14 de Maio, o alumnado de Infantil desfrutou dun día en plena natureza no Centro de Turismo Ecuestre O Ventoso, na parroquia larachesa de Erboedo. Foi unha xornada enriquecedora na que poideron participar en diversas actividades lúdico-deportivas, ubicado nun entorno natural privilexiado, a pouca distancia do nacemento do río Anllóns, dentro da Costa da Morte.

Durante a visita, disfrutaron da experiencia "Un día na granxa", onde os rapaces tiveron a oportunidade de interactuar cos animais; realizar rutas en poneis; coñecer o picadero onde se adestran os cabalos; visitar o corral para aprender máis sobre o coidado dos galos e galiñas e coñeder de primeira man a súa alimentación, así como observar a fauna e a flora do lugar dende o estanque. Ademáis, tiveron actividades ao aire libre, aprenderon algo de horta e disfrutaron de algún obradoiro creativo e outros xogos.

Estamos moi contentos de poder ofrecer aos nosos pequenos esta experiencia única, que lles permitiu conectar co medio ambiente e enriquecer o desenvolvemento cognitivo, físico, emocional, social e ocupacional de maneira divertida.

Agradecemos ao Centro de Turismo Ecuestre O Ventoso pola súa hospitalidade e por permitirnos pasar un día inesquecible rodeados de natureza e cabalos.

Dende a ANPA esperamos que as familias estean satisfeitas coas saídas e actividades deste tipo.

O custo para non abonados foi de 26,50 euros.

FESTAS SANTA RAFAELA MARÍA

 

Neste artigo, queremos destacar o noso compromiso coas Festas de Santa Rafaela María, celebradas no noso colexio o pasado 11 de Maio, co que destinamos o 5% do noso orzamento para patrocinar este evento tan especial.

As festas foron un día cheo de diversión e actividades para todos os gustos e idades. Dende deportes ata inchables, algodón doce, concertos e mesmo no teatro houbo actuacións representadas polos nosos estudantes. Non faltou a tradicional tómbola nin a emocionante festa da espuma. E para poñerlle o broche final, realizouse un sorteo de premios que encheu de emoción a todos os participantes.

Por suposto, tampouco faltou a comida. Unha variedade de pratos deliciosos que deleitaron ás familias e lles peritiu desfrutar ao máximo desta gran celebración.

Estamos orgullosos de poder contribuir ao éxito das Festas da nosa patrona e esperamos seguir apoiando este tipo de iniciativas no futuro. Grazas a todos os que fixeron posible este marabilloso evento!

Festa da Espuma