VISITA PARQUE EÓLICO SOTAVENTO

Concienciando. Enerxías renovables e sustentabilidade.

Impacto ambiental? Que papel toma a humanidade na natureza? Como se xera a enerxía que consumimos? Aprender é cuestionarse e vivir de primeira man. E iso é o que buscamos de forma constante para os nosos alumnos

5º de Primaria visitou o parque eólico de Sotavento, unha experiencia estupenda na que seguro aprenderon moito. 🌬🌪

 

 

 

 

 

RECOLLIDA DE AXUDA PARA UCRAÍNA

MOITAS GRAZAS A TODA NOSA COMUNIDADE EDUCATIVA!

Foi todo un éxito! Uhna gran recollida para unha boa causa!

💙💛 UCRAÍNA 💙💛

VER ALBÚM DE FOTOS DA RECOLLIDA

HOXE SEGUIMOS A RECOLLER...

"Moita xente pequena, en lugares pequenos, facendo cousas pequenas, pode cambiar o mundo" 

Hoxe seguimos recollendo para UCRAÍNA.

Estamos no primeiro portón do patio en horario:

Mañá: 

08:30-09:15

13:15-13:45

Xerán:

15:15-15:45

17:00-17:30

 

 

 

 

RECOLLIDA PARA UCRAÍNA

 

 Lembrámosvos que mañá, mércores 9 de marzo, e o xoves 10 de marzo estaremos no colexio recollendo axuda para Ucraína 

No seguinte horario: 

Mañás:

08:30-09:15

13:15-13:45

Tardes:

15:15-15:45

17:00-17:30

 

 

8M: FELIZ DÍA INTERNACIONAL DA MULLER

RECOLLIDA PARA UCRAÍNA

RECOLLIDA NO COLE (NA PORTA PRINCIPAL)

MÉRCORES 9 E XOVES 10

APRENDENDO COS SENTIDOS: CREACIÓN DUN AULA MULTISENSORIAL

 

Este ano a AMPA colaborará co colexio para lanzar o proxecto "Aprendendo cos sentidos: Creación dun aula multisensorial"

Actividades que se van desenvolver

• Creación dun aula multisensorial para o alumnado de Educación Infantil. 
• Dotación de recursos para realizar actividades de estimulación sensorial co alumnado e coas familias.
• Sesións semanais de 2 horas de duración na nova aula multisensorial cos 6 grupos de educación infantil.
• Sesión semanais de 1 hora de duración na nova aula multisensorial co alumnado con necesidades específicas de apoio educativo. 

Obxectivos:

• Estimular o coñecemento a través de todos os sentidos nun mundo no que predominan os estímulos visuais. 
• Fomentar unha aprendizaxe multisensorial no que o alumnado saiba integrar a información recibida a través de todos os sentidos e transformarla nun coñecemento máis amplo e completo da realidade. 
• Atender as diferentes formas de aprendizaxe do alumnado: kinestésico, visual, táctil, auditivo... 
• Acompañar as diferentes realidades de cada alumno para acceder ao aprendizaxe: alumnado con NEAE, TEA... 
• Desenvolver a competencia artística do alumnado facilitando experiencias multisensoriais como primeira expresión artística. 
• Realización de obradoiros coas familias. 
• Difusión das actividades realizadas co obxectivo de concienciar sobre a importancia dunha educación multisensorial
  

Este proxecto está dirixido a:

•  Alumnado EI. 
• Alumnado con NEAE. 
• Familias.

Para a realización deste proxecto pedimos unha subvención á Deputación da Coruña.

 

 

 

 

CONVOCATORIA DAS BOLSAS COMEDOR

 Dende a FAPA recibimos este comunicado que pode ser do voso interese:

[inicio email]

Bos días. 

Para a vosa información e as vosas familias, informarvos que o pasado día 23 de febreiro do 2022, publicouse no Boletín Oficial da Provincia da Coruña a convocatoria de bolsas municipais de comedor para o curso 2022-2023, para o alumnado de centros escolares nos que se imparta segundo ciclo de educación infantil, primaria, ensino secundario obrigatorio, bacharelato e formación profesional, así como dos centros de educación especial sostidos total ou parcialmente con fondos públicos, do termo municipal da Coruña e conten cun comedor autorizado pola consellería competente.

O prazo para a presentación de solicitudes será do 2 ao 31 de marzo, ambos incluídos.

Toda a información e a documentación da convocatoria está dispoñible nos seguintes enlaces do concello:

* BOP: Boletín Oficial de la Provincia.

* Sede electrónica concello de A Coruña: Sede electrónica.

* Páxina web servizos sociais: información web servizos sociais.

Nesta convocatoria non será necesario achegar o certificado de escolaridade se autoriza coa sinatura á consulta na solicitude e non se opón expresamente a súa consulta.

Un saúdo. 

[fin email]