Grazas por deixarnos unha pegada tan profunda e significativa, Miguel.

 É un día triste no que nos toca comunicar o falecemento do noso apreciado profesor de Infantil e Primaria, Miguel López, coñecido nas RRSS como "O Hematocrítico". Non só foi un educador exemplar, senon que tamén unha alma xenerosa que enriqueceu as nosas vidas co seu humor único e a súa presenza vibrante.

Miguel deixou un legado imborrable no noso colexio e na nosa ANPA. Co seu compromiso e entusiamo, inspirou non só aos estudantes, senon tamén aos seus colegas e ás familias que tiveron a sorte de coñecelo. As súas clases non só eran educativas, senon tamén divertidas, enchendo as aulas de risas e aprendizaxe.

Como twittero e cómico, Miguel levaba a súa creatividade a novas alturas. As súas mensaxes e chistes amosaban a súa habilidade para facernos sorrir mesmo nos momentos difíciles. O Hematocrítico conectaba no corazón de quen o escoitaba, creando unha comunidade de que apreciaba a súa perspicacia e intelixencia humorística.

Coa súa perda, a comunidade educativa perde non só un educador excepcional, senon tamén un amigo entrañable. A súa memoria permanecerá viva no noso colexio e na nosa comunidade, recordándonos sempre a importancia de rir, aprender e vivir plenamente cada día.

Descansa en paz, querido Miguel. Grazas por todo.

P.D. Deixámovos aquí a primeira entrevista que lle fixemos no colexio.

BIOESCOLAS - Reciclaxe de aceite de cociña

Dende a AMPA, en colaboración con centro escolar e a empresa de reciclaxe Arioil, poñemos en marcha unha iniciativa de reciclaxe de aceite de cociña usado denominado BIOESCOLAS nas Esclavas:

 

 Trátase dunha actividade de reciclaxe de aceite usado de cociña dirixida ao alumnado dos centros educativos de Galicia.

A operación é a seguinte:

• O alumnado poderá traer da casa aceite de cociña usado nunha botella de plástico pechada e depositalo no recipiente específico situado no colexio. 
  
• Este aceite recollido terá un retorno económico para as actividades, material, etc. dos vos@s fill@s.
• A maiores, nos meses de marzo e abril participaremos nun concurso con outros centros onde o premio será de 500€ para o centro que máis aceite recolla en porcentaxe.

Animámosvos a participar nesta iniciativa de reciclaxe e enviar o aceite usado que teñades nas vosas casas. Axudemos a educar ambientalmente as/aos nos@s fill@s, creando hábitos de reciclaxe, coa transparencia de que todos os residuos son materia prima e teñen valor.

Moitas grazas de antemán.

Folleto informativo